• Reddest Media Strategy

安排推理舞台劇《謀殺啟事》女主角商天娥小姐於《TOPick》訪問


提起娥姐商天娥,觀眾首先會記得她在電視界縱橫多年,拍過無數劇集作品,接下來想到的,相信是她令人驚豔的好歌喉。久違電視銀幕的商天娥,近年養尊處優,最近接演了推理舞台劇《謀殺啟事》,角色遊走忠奸之中、似是而非的感覺,讓娥姐過足戲癮。


娥姐在無綫的最後一部劇集《樓奴》已是4年前推出的作品,這段時間娥姐曾先後參演了兩部音樂劇,最近更接演推理舞台劇《謀殺啟事》。於1980年代入行的她從影30多年,坦言起初入行全屬「意外」。


1983年,當初娥姐陪朋友到藝員訓練班面試,最後反而只得她被選上。導師覺得商天娥有演戲天份、父母又表示支持,於是她決定入讀再順利成章入行:「完全無刻意,其實畢業後搵到份好喜歡的服裝設計工作,覺得一切是機遇、緣份。」


藝訓班畢業後,因與張國榮合演劇集《儂本多情》而爆紅成當家花旦,劇集一部接一部。

但娥姐坦言,直到演戲的第7、8年,才開始發現自己對演戲的濃厚興趣:「頭幾年實在太忙,亦好幸運有好多機會,較多演主位的戲。到後來幾年慢慢沉澱,才清晰知道原來自己是可以的,原來做戲真係會上癮,10年、20年、30年,癮越嚟越大。」


於1990年代中期,娥姐決意離開娘家,轉投亞視、港台,嘗試尋找更多機會。直到2003年,娥姐重回無綫懷抱但卻要「升格」成御用媽媽的角色。


問到會否覺得年齡限制了女演員的「壽命」,素來坦白的娥姐說:「十幾年前可能有這種感覺,現在時代不同,很多題材會比較貼地,年齡限制亦比較少。當然,女演員始終有限制,多了幾條皺紋就演不到少艾嫁喇,但都無所謂,乜嘢年紀咪做乜嘢演員囉。」

娥姐又憶述當年20出頭已演繹過兩孩之母:「回想與兩個小朋友拍都覺得好可愛好Sweet。最近都有朋友講想做個海外音樂劇,叫我做帶住6個仔女的媽媽,我話雖然我年過50,都唔使6個咁多?其實都係講笑,無所謂,正如只要你保養得好,無任何心理關口需要衝破。」


離巢數年未有考慮回到電視圈,問到是否因演員班底不夠吸引所致,直腸直肚的娥姐聞言笑起來:「大膽啲可以咁講。其實好多人都北上發展,亦有好多人似我,處半退休狀態,選擇做真係想做嘅工作,變相要睇各樣條件同緣份,其實我都等緊機會。」


給予人率直感覺的娥姐勇於表達自己,對於有否曾因衝口而出的話語感後悔,她卻說:「反而後悔有啲說話無講出口。心中的感受要講畀人知,有時你唔講,誤會反而會出現。我一向講嘢好直接,但心意反而好少講人知。」


2010年,娥姐才與拍拖4年的商人男友李偉誠結婚,當時年屆48歲。以為是她的直接勇悍讓姻緣路崎嶇,但甚少緋聞的娥姐透露過去有跟圈外人低調相戀:「遲婚,是因為覺得人生得一次,所以要睇定些。」


她說青春時當然喜歡拍拖,更曾因愛情而迷失自我:「幸好朋友提醒我,人生不只得愛情,唔可以只用一樣嘢箍死自己,於是就去搵自己興趣、事業。」


直到10多年前,遇到現時的丈夫:「當然你會問點解係呢一個?好坦白、直接話畀大家知,係信仰。因為有愛,可以用愛去解決一切。」娥姐又笑言當年全因為丈夫的姐姐們催婚,才促成這段婚姻:「姐姐都話:『好結婚喇喎,唔通等5字頭呀?』我有結婚觀念,但如果無推動力可能無咁快。」


提起丈夫,娥姐露出溫婉笑容:「我哋似同屋主、朋友、生意拍檔,最主要我們是一對夫妻,佢好錫我同我家人,我都係。」


場地:劇場空間

撰文 : 陳心怡 TOPick記者


完整報導: https://topick.hket.com/article/2401254/

聯絡我們

RM 601, 6/F, Far East Consortium Building, 204-206 NathanRoad, Jordan, Kowloon

T: 39054965

 

​cs@reddest.hk 

  • Facebook B&W
  • Black Instagram Icon

© by Reddest Media Strategy Limited. All rights reserved.